|
| | شرح احترافى لسيلك رود بالنسبة للمبتدئيين |  |
| | | كاتب الموضوع | رسالة |
|---|
القآئد
الادارة العليا
عدد الرسائل : 1929
تاريخ التسجيل : 25/11/2007
لعبة الزهر نصيبك
جدول ارقام:
رقم: 0
النسبه:
    (0/0)
 |  موضوع: شرح احترافى لسيلك رود بالنسبة للمبتدئيين  الجمعة 01 أبريل 2011, 6:59 pm | |
| السادة الاعضاء الكرام و لاعبين سيلك رود
اقدم لكم اكبر شرح عربى للعبة التى حطمت كافة العاب الاون لاين التى لطالما حاولت الصمود امامها
انها ( سيلك رود اون لاين )
سيتم جمع كافة المعلومات عن اللعبة مع شرح كامل للمبتدأين
ولأول مرة فى المنتديات العربية سيتم شرح اللعبة حتى مرحلة الاحتراف
سيتم شرح اجزاء من الموضوع على طريقة (س & ج )
فلن اطول عليكم اكثر من ذلك :
اقسام الموضوع:
1- ماهى سيلك رود .
2- التسجيل والتحميل .
3- ما بعد التسجيل .
4- كيفية البدء .
5- مراحل التدرج فى اللفل .
6- شرح خواص اللعبة .
7- الوصول الى الاحتراف .
1 – ما هى سيلك رود :
إنها لعبة من العاب الاون لاين , وهى تعتبر من اقدم واشهر الالعاب نظرا
لشعبيتها الكبيرة التى حققتها فى مصر والعالم بأكمله , تعتبر من أفضل
الالعاب على الاطلاق من ناحية الجرافيك والاثارة والصعوبات والتحديات ,
وتعتبر من السهل جدا تعلمها بعد التحديثات الجديدة حيث حرصت جوى ماكس (
الشركة المنتجة ) على اضافات جديدة تحفز اللاعبين على التدريب السريع .ومع
الوقت سترتبط بشخصيتك , ستتقدم بالمراحل وتنمو الشخصية ويزداد معرفتك
بأسرار اللعبة .
ولكنها كلمة أخرى أقولها : ستستمتع كثيرا بسيلك رود .
يمكن عن طريق سيلك رود التدرج بالطريق المجانى وهو الافضل , أو بالطريق ذو
الدفع المسبق حيث الاساس فى سيلك رود هى المجانية , لكن مع التوسعات اصبح
من الصعب مواكبة اللعبة بدون شراء ادوات مساعدة , فوفرت سيلك رود أدوات
مساعدة تشترى بالاموال الافتراضية لها تسمى ( سيلك ) وهى منتشرة بشدة فى
مصر وتباع ككروت الشحن .
لكننا فى موضوعنا هذا سأعلمكم الطريقة للتدرج السريع والمجانى .
2- التسجيل والتحميل :
اولا تقوم بزيارة موقع سيلك رود الرسمى , الموقع مزود باللغة العربية فسهل جدا التسجيل .
http://www.joymax.com/silkroad/
مع الصور لتوضيع بعض النقط .
بعد التسجيل نتوجة الى قسم التحميلات لتحميل اللعبة .
وبكدة نكون مستعدين لتسطيب اللعبة .
3- ما بعد التسجيل :
تقوم بتنصيب اللعبة ولا يهم إذا نصبتها مع الالعاب العادية عندك او فى
بارتيشن السى فبياناتك لاتفقد مع تغيير الويندوز كنيد فور سبيد او الفيفا ,
وانما كل ما تفعلة مقيد فى قاعدة بيانات سيلك رود العالمية .
بعد التنصيب تقوم اللعبة اوتوماتيكيا بالبدء فى تحميل
آخر اب ديت لها , إذا لم تبدأ فأضغط على رمز اللعبة من الديسك توب دبل كليك
لتبدأ .
بعد الاب ديت تجد شاشة بدأ اللعبة تختار منها اللغة ومتاح ثلاث لغات ( الانجليزية – العربية – التركية )
سأكمل الشرح بالانجليزية ليس حبا فيها ولكن لان كثيرا من خواص اللعبة لا تظهر صحيحة وواضحة فى العربية ,
بعد ذلك نضغط على start ونترك اللعبة لتبدأ .
عند البدء نكتب اليوزر نيم & باسوورد الخاص بك فى الموقع لتدخل لاول مرة الى عالم سيلك رود .
هنا أنوه عن عدة نقاط :
1- سيلك رود تعتمد على نظام السيرفرات , بمعنى : لما تخش على سيرفر
فينوس مثلا وتبدأ تلعب عليه وتقفل , لما ترجع تانى تفتح اللعبة لازم تدخل
على فينوس برضة عشان تكمل على نفس الشخصية , لو دخلت على سيرفر تانى مش
هتلاقى شخصيتك انما ممكن تلعب بشخصية جديدة تبدأ بيها من الصفر .
2- الدخول فى بعض الاوقات ممكن ياخد وقت , واللعبة بإصدارها الجديد مزود
بخاصية auto login واللى بتخليك تدخل السيرفر اول ميبقى فيه مكان ودة
بياخد من 15 الى 30 دقيقة , واغلب الاوقات حاليا بتدخل على طول لأسباب
هقولها بعدين .
3- مفيش نقطه تالتة ههههههههههههه .
-كيفية البدء:
أول مبتدخل اللعبة على السيرفر اللى انت اخترته للحياة جواه , بتلاقى منظر
زى رصيف ميناء فاضى بتبدأ انك تعمل شخصية جديدة بإنك تدوس على كلمة create
لعمل شخصية جديدة .
بتلاقى تمثالين (حصان ابيض & اسد رمادى ) وهما الحضارة الصينى والحضارة الاوروبى .
كل حضارة لها شخصياتها واسلحتها وطرق لعبها وهشرحهم بالتفصيل لاحقا ,
هنبدأ شخصية صينية لان الصينى يعتبر من السهل فهمه عن الاوروبى فى البداية.
بتدوس على الاسد وهتجيلك الشخصية تختار السلاح والشكل وحجم الشخصية اللى
انت عاوزها , وتختار الاسم , لازم يكون أسم محدش اختاره قبلك طبعا وممكن
تستخدم حروف كابيتال ورموز وارقام .
بعد مبتأكد على عمل الشخصية ترجع للساحة تانى وتختارها وتعمل ستارت .
بتلاقى نفسك واقف فى مدينة جانجان الصينية وهتلاقى الناس حواليك رايحة جاية ههههههههههه
هنا بتختار حاجة من اتنين يا اما تطلع تصطاد الوحوش على طول , اما تعمل مهمة المبتدئين .
اللى يهمنى دلوقتى نتعرف على وظائف الشاشة والكيبورد :
على طرف الشاشة من اليمين الخريطة المصغرة , مزود بها زرار - &+
للتقريب والتبعيد ومزود زرار لما بتدوس عليه تظهر الخريطة الكبيرة .
الخريطة الكبيرة : بتظهر لما بتدوس على الزرار اللى قلنا عليه أو زرار M من الكيبورد ,
هتلاقى فى رزار شبة الكرة الارضية دة بيوريك المكان المحيط بيك خارج
المدينة لو انت جواها والمشبك اللى جنبيه بيرجعك تانى لجوة المدينة
فى اضافتين فى آخر تحديث يعتبرو من اهم الحاجات فى اللعبة
على الشمال هتلاقى سهم بيطلع من قايمة متفرعة لقسمين : الاول المدن , ويوريك كل مدينة فى سيلك رود .
الثانى الوحوش , وهتلاقى كل وحش مكتوب عليه لفله ولما تدوس عليه يجيبلك مكانة على الخريطة .
وهتلاقى جملة فى حرف الخريطة من تحت لو علمت على الخيار اللى جنبها هتلاقى اتعلم على الخريطة كل الوحوش اللى اعلى منك ب 6 لفل .
طرف الشاشة اليمين من تحت هتلاقى كلمة Menu ودى هتطلعلك قايمة بوظائف الجيم كلهاهنتعرف عليهم سريعا خلال شرحنا .
اختصارات الكيبورد :
M الخريطة
N للجلوس ( ودى مفيدة فى اول 10 لفل عشان الدم بيملى بسرعة وانت قاعد )
A لأظهار نافذة الوظائف المتعددة ( الجزء العلوى منها ممكن تعمل تبادل مع
حد او تفتح محل تبيع فيه حاجتك ...., السفلى فيها شوية تعبيرات زى الضحك
والتحية والحزن .... )
S دى نافذة ال skill او المهارات ودى تبدأ تتعامل فيها بعد لفل 9
I هتلاقى معظم استخدامك فيها لان دى شنطتك ولبسك
C دى عشان تزود ال state points بتاعت كل لفل, وفيها شوية معلومات عن الشخصية زى نسبة الدفاع والهجوم .
E دى بتفتح بيها نافذة البارتى ماتش ودة من اهم الحاجات فى الجيم هيتشرح برضة فى وقته
T دى بتفتحلة الاوتو بوشن ودى اللى بتظبطها على انها تملى الدم لما يقل عن النسبة المحددة
Y دى الكيمياء مش هتحتاجها دلوقتى خالص .
Q دى المهمات , وهنا بتظهرلك المهمات وكل المعلومات عنها .
ودول اهم حاجات فى الكيبورد .
كيفية التدرج فى اللفل :
كل شخصية ليها طريقة بناء , والبناء عن طريق النقاط اللى بتاخدها كل لفل
كل لفل بتاخد 3 نقط , بيظهر رمز + جنب اسمك على حرف الشاشة الشمال , بتدوس
علية , هيظهر الصفحة اللى بتظهر لما تدوس على C وهتلاقى خط الدم hp وخط
الدم mp , وجنب كل واحد + برضة , هتزود ال 3 نقط فى واحد منهم على طوول كل
لفل واوعى تلخبط وتحط نقط غلط ,
دى الحاجة الوحيدة اللى مبتتعالجش فى الجيم .
شخصيات الصينى :
الاسلحة : Bow - Blade & shield- glavie كل دول بتزود فى ال str او الدم الاحمر بس .
واوعى تزود فى الازرق int .
الأسلحة : sward&shield - spear بتزود فى ال int او الدم الازرق بس اوعى تزود فى الاحمر .
شخصيات الأوروبى :
الأسلحة : Bard - cleric - wizard - warlock بتزود فى ال int الأزرق بس , محدش يزود فى الاحمر .
الأسلحة : rogue - warrior بتزود فى الstr او الدم الاحمر بس , محدش يزود فى الازرق .
| |
| | | | القآئد
الادارة العليا
عدد الرسائل : 1929
تاريخ التسجيل : 25/11/2007
لعبة الزهر نصيبك
جدول ارقام:
رقم: 0
النسبه:
(0/0)
| | موضوع: رد: شرح احترافى لسيلك رود بالنسبة للمبتدئيين الجمعة 01 أبريل 2011, 7:12 pm | |
| صديقى : هلا هلا ( كل مدخل الاقيه قاعدلى ) حبييييييييبى .
أنا : هلا فيك ياعسل يا جميل , ايه الاخبار .
صديقى : تمام يا معلم , انا دلوقتى عملت شخصية جديدة وعاوز ابتدى العب بيها .
انا : تمام يلا اطلع اضرب فى شوية وحوش وظبط نفسك .
صديقى : انا راااايح اهوووووووو .
رجع صاحبنا بيعيط
انا : فى ايه يا عم ؟
صديقى : روحت ضربت فى وحوش شبه المقشات وبعد شوية روحت لوحوش تانية زى الغول كدة بس بقيت بموت كل شوية .
انا : انت بقيت لفل كام ؟
صديقى :انا بقيت 3
انا : معاك بوشن؟
صديقى : نعم ؟؟
انا : ( الغباوة هتشتغل شكلها ) روح عند الراجل
اللى مرسوم عليه إزازة فى الخريطة واشترى منه حاجة عاملة زى العنب الاحمر
وتانية زى العنب الازرق , مش انت معاك فلوس من الوحوش ؟
صديقى : ( مفكرنى غبى دة ولا ايه ) ايوة وكمان بلم الكياس اللى بتقع دى وهبيعهم لنفس الراجل .
صديقى : انا جيت اهو اعمل بيهم ايه بقى ؟
انا : عندك فى البار اللى تحت هتلاقى مكتوب عليه F1 تقوم حاطط فى الخانة رقم 1 العنب الاحمر مثلا والخانة 2 الازرق .
صديقى : وبعدين , متكمل يااااااااااااض .
انا : اصبر يا شرابة الخرده , بحط الصورة للناس العسل اللى
بتتفرج علينا , متبقاش هزأ , المهم هتقوم دايس على حرف ال T وتقوم ظابط
ال hp اللى هو الدم الاحمر على رقم 1 فى F1 , وال mp اللى هو الدم الازرق
على رقم 2 فى F1 برضة .
صديقى : قشطة , طيب كدة مش هموت ؟
انا : هتموت طبعا لو عملت شجيع السيما وروحت
لوحوش عالية , انما اول مدمك هيقل هيملى لوحدة من البوشن دة , وخللى بالك
لما تكبر فى اللفل هتحتاج بوشن أكبر من عند نفس الراجل .وخللى بالك لو
هتلعب بشخصية أوروبى عشان البوشن هناك بيملى كل 15 ثانية بس .
صديقى : طيب طيب .
============================
صديقى : يا هلا بحبيبى , عاوزك فى استفسار صغير .
انا : عاوز ايه ياض انت كل شوية تسأل وتمشى على طول ؟
صديقى : بص بس , انا دلوقتى بلاقى ملابس وحاجات كتير عاوز ابيعهم زى الناس اللى بتبقى واقفة دى , ازااى ؟؟
انا : هتدوس على حرف a هتلاقى اول واحدة على
اليمين اسمها stall تعمل كليك يمين هتفتح صفحة المحل بتاعك تقوم حاطط
الحاجات اللى هتبيعها وتحدد السعر وتدوس على زرار open stall وبس كدة .
صديقى : يا سلام عليك يا واد , طيب معلش انا وانا واقف كدة بلاقى شات وكلام بالالوان كدة يمين وشمال ؟
انا : هممممممم , يا مصبر الوحش على البحش , الشات اللى على الشمال دة :
اللون الابيض : دة العام
اللون الاصفر : اسمة جلوبال ودة بيبقى بفلوس والسيرفر كلة بيشوفه
اللون الازرق الفاتح : دة الخاص لما حد يكلمك على الخاص .
اللون الاخضر : بتاع البارتى .
اللون البرتقالى : بتاع الجيلد .
اللون الاخضر الفاتح : بتاع اليونيون .
اللون الازرق الغامق : بتاع الاكادمية .
اللون الوردى : دة بتاع الجى ام اللى هما المديرين بتوع اللعبة , شوية تعليمات كدة عامة .
الشات اللى على اليمين دة مهم جدا لازم تاخد بالك منه , دة بتاع الجيم اى
حاجة بتعملها بتديلك معلومات عامة وبتقولك لو حاجة مينفعش تعملها او ازاى
تعملها .
صديقى : شكراااااااااااا يا سيدى ادينا فهمنا
انا : طيب تمام زى الفل
صديقى : ياعم خليك معاى استنى
انا : ايييييييه تانى فى ايه ؟
صديقى : بص بقى انا ببيع وبضرب فى الوحوش وكلة تمام بس اول موصلت لفل 20 التلفيل بقى بطىء وببقى عاوز حد يساعدنى .
انا : اختصر ؟
صديقى : عاوز اعرف التاكسى دة اعملة ازاى ؟
انا : اولا لسة التلفيل البطىء مجاش ههههههههههه,
ثانيا انت تدوس على حرف ال E هيفتحلك صفحة فيها البارتيهات المعمولة وكل
واحد عامل بارتى بفلوس اسمه تاكسى , فى آخر الصفحة من تحت هتلاقى فى صفحات
تانى مترقمة , بتشوف البارتى اللى يناسبك وتعلم عليه وتعمل join party ,
وتقوم راكب حصانك ورايح وعامل تبادل مع صاحب البارتى وتديلة الفلوس زى منتو
تتفقو .
صديقى : واحدة واحدة كدة عشان مبقاش محتاس , التبادل دة ازاى ؟
انا : بتعلم على الشخص اللى عاوز تديلة حاجة ودوس
على ال A وتعمل كليك يمين على Exchange اللى هى رابع واحدة من اليمين فى
الصف الاول , وخللى بالك من النصابين فى التاكسيات , ممكن واحد يعملك تبادل
اول متوصل للتاكسى وتديلة الفلوس زى الباشا وهو ملوش دعوة بالتاكسى اصلا,
تخللى بالك من الاسم .
صديقى : قشطة يا نصة .
انا : بلاش نصة دى عشان الناس معلمين عليك بالكلمة دى هههههههههه
انا : خلاص اديك عرفت كل حاجه سلام
صديقى : انت يا عم انت ماشى رايح فين ؟
انا : عاوز ايه يا ابنى سيبنى اتكلم مع الناس دى شوية , انت رغااااااااى ليييه ياااض (  )
صديقى : هااااااااااااا طب ليه كدة بقى دا احنا على الهواء .
انا : منتا بتستفزنى يا اخى , اخلص عاوز ايه ؟
صديقى : كل ممشى فى حتة الاقى واحد من بتوع المحلات او الحراس فوقيهم رسالة لونها أصفر وساعات بتبقى أحمر ,دى ايه بقى ؟؟؟
انا : دى يا ناصح المهمات , بتدوس على الشخص دة
وتختار بدء محادثة معاه فبيعرض عليك المهمة وبتكون غالبا جوائزها حلوة ,
فبتقبلها وتقوم فاتح صفحة المهمات من زر Q هتلاقى اسم المهمة وتحتها على
طول المطلوب من المهمة وازا كنت نفذتها ولا لسة وفاضلك قد ايه فيها ,
المعلومات كلها يعنى , فى مهمات الدليفرى اللى هى بتوصل حاجة لواحد , وفى
مهمات قتل عدد معين من وحوش معينة بتلاقى جنب المهمة دى زى كرة ارضية
بتفتحلك مكان الوحوش المطلوبة فى الخريطة , وفى مهمات العثور على شىء معين
من الوحوش او جمع اكياس منها . ودى احسن حاجة للتلفيل السريع لانك وانت
بتقتل الوحش بتاخد منه نقاط خبرة ومهارة وفى نفس الوقت بتخلص مهمة بتزودك
كمان , كأنك بتزيد مرتين . وخللى بالك المهمات اللى باللون الاحمر دى بتبقى
اعلى من لفلك متعملهاش الا لما تبقى باللون الاصفر .
صديقى : شكرااااااااااا , يلا انت رغاى لية انا هروح اعمل مهمة هههههههههههههه .
انا : يلا سلام كفاية كده لغاية دلوقتى .
*******************************************
بكدة اكون خلصت شرح لعبة سيلك رود اون لاين لأحلى أعضاء على شبكة الانترنت
مطلوب مشرفين للاقسام الجديده
سيلك رود وقريبا ولف تييم و كول اوف ديوتى
| |
| | | | | | شرح احترافى لسيلك رود بالنسبة للمبتدئيين | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
Hitskin.com
